AGAR HUM WAQAYAEE KAM HOSLA HOTAY MUHABBAT MEI

KAHIN TUM APNI QISMAT KA LIKHA TABDEEL KAR LETAY,


TO SHAYAD HUM BHI APNA RASTA TABDEEL KAR LETAY,


AGAR HUM WAQAYAEE KAM HOSLA HOTAY MUHABBAT MEI,


MARZ BARHNAY SAY PEHLAY HE DAWA TABDEEL KAR LETAY,


TUMHEN IN MAUSOMON KI KAYA KHABAR MILTI AGAR HUM BHI,


GHUTAN K KHAUF SAY AAB O HAWA TABDEEL KAR LETAY,


JUDAI BHI NA HOTI ZINDAGI BHI SEHAL HO JATI,


JO HUM AIK DOOSRAY SAY MASLA TABDEEL KAR LETAY,


TUMHARI TARAH JEENAY KA HUNAR AATA TO PHIR SHAYAD,


MAKAAN APNA WHI RAKHTAY PATA TABDEEL KAR LETAY....