hum uska sheher tu kya reh guzar bhi bhool gaye

yeh kaisa khauf tha keh rakht-e-safar bhi bhool gaye,


woh kaun log thay keh apnay ghar bhi bhool gaye,


yeh kaisi quvat-e-parvaaz dar ne paida ki,


parinday urrtay huay apnay par bhi bhool gaye,


dukhon nay chheen li aankhon ki saari benaayi,


hum uska sheher tu kya reh guzar bhi bhool gaye,


khayal tha keh sunaayein gay haal-e-dil laiken,


hum uskay saamnay arz-e-hunar bhi bhool gaye,


juda huye tu khula hai tumhari basti main,


hum ik dil hi nahiin chashm-e-tar bhi bhool gaye......