Friday 26 August 2011

JIS PAR TERA NAAM LIKHA HAI US TAARAY KO DHOONDUN GA

APNAY GHAR KI KHIRKI SAY MEIN AASMAN KO DEKHOON GA,


JIS PAR TERA NAAM LIKHA HAI US TAARAY KO DHOONDUN GA,


TUM BHI HER SHAB DIYA JALA KAR PALKON KI DEHLEEZ PAY RAKHNA,


MEIN BHI ROZ IK KHAAB TUMHARAY SHEHAR KI JANIB BHEJOON GA,


HIJR K DARYA MEI TUM PARHNA LEHRON KI TEHREEREN BHI,


PAANI KI HER SATAR PAY MEIN KUCH DIL KI BAATEN LIKHOON GA,


JIS TANHA SAY PAIRR K NEECHAY HUM BARISH MEI BHEEGAY THAY,


TUM BHI US KO CHHU KAR GUZARNA MEIN BHI US SAY LIPTOON GA,


BAADAL ORRH K GUZROON GA MEIN TUMHARAY GHAR K AANGAN SAY,


QOS E KAZAA K SUB RANGON MEI TUJH KO BHEEGA DEKHOON GA,


RAAT GAEY JAB CHAAND SITARAY LUKAN MEETI KHELAIN GAY,


AADHI NEEND KA SAPNA BAN KAR MEIN BHI TUM KO CHHU LOON GA....

No comments:

Related Posts Plugin for WordPress, Blogger...
Blogger Wordpress Gadgets