Kathan Safar Hai Muhabbaton Ka

Kathan Safar Hai Muhabbaton Ka
Saraab Rastey Hain Soch Lena,


Wo Chhor Jatey Hain Ik Qadam Per
Jo Saath Chaltey Hain Soch Lena,


Yeh Reet Tum Na Nibah Sako Gey
Na Sang Rehney Ki Baat Kerna,


Keh Ishq Walon Key Rahguzar Mein
Chanaab Aatey Hain Soch Lena,


Tumhen Kaha Tha Keh Ban Key Apna
Faraib Deta Hai Yeh Zamana,


Tumhen Kaha Tha Keh Aasteenon,
Mein Saanp Paltey Hain Soch Lena,


Tumhen Kaha Tha Keh Aasteenon
Mein Saanp Paltey Hain Soch Lena,


Wahan Pe Ab Bhi Meri Wafa Key
Charagh Jaltey Hain Soch Lena.....!!