Monday 29 August 2011

koi mujhko mera bharpoor saraapa ladey

koi mujhko mera bharpoor saraapa ladey
Mere baazoo meri aankhen mera chehra la dey


Aisa dariya jo kisi aur samandar mai girey
Is se behter hai ke mujhko mera sehra la dey


Kuchh nahee chahiye tujh se meri ai umr-e-rawan
Mera bachpan mere jugnoo meri gudia laa dey


Jiski aankhen mujhe ander se bhi parh sakti hon
Koi chehra to mere sheher mai aisa la dey


Kashti-e-jaan to bhanwar mai hai kai barson se
Ai Khuda ab to dubo dey ya kinara la dey

No comments:

Related Posts Plugin for WordPress, Blogger...
Blogger Wordpress Gadgets