yeh to aaeen e gulistan hai b'dal sakta nhi
tehniyon men zehar ho to pairr phal sakta nhi
aainay men aks hai uski amanat,aur mein
kar nhi sakta khayanat,aank mal sakta nhi
mein faqt shab ka nhi,din ka musafir bhi to hoon
chaand meray sath itni dair chal sakta nhi
istaqamat maangta hai pull siraat e dosti
dagmaga jata hai jo phir woh sanbhal sakta nhi
sang men soraakh kar deta hai paani ka wajood
hiddat e khurshid say pathar pighal sakta nhi
wo parinda kaya urray ga wusat'on ki khoj men
aashayan tak say jo marzi say nikal sakta nhi
khainch kar dil lay gaee feroz,shaheen ki ada
keh ataakarda ghizaaon par wo pal sakta nhi
Pakistan Rupee Exchange Rate
No comments:
Post a Comment