Thursday 27 October 2011

ab mera shauq e safar, daar tak aa pohncha hai


silsila jurrat e izhaar tak, aa pohncha hai
ab mera shauq e safar, daar tak aa pohncha hai

sham ab iskay siwa aur bhala kya ho gi
ab to saya meri deevar tak aa pohncha hai

usko taabeer Khuda janay milay gi k nahee'n
khaab to deeda e baidaar tak aa pohncha hai

aur barh jayegi arzaani e baazar keh abb
biknay wala hii kharidar tak aa pohncha hai

tu bata day keh ab tera irada kaya hai?
ishq mera teray maiyyaar tak aa pohncha hai

ab beher taur koi faisla karna ho ga
mass'ala abb meray pindar tak aa pohncha hai

sar jhukana teri aadat bhi nahee'n hai AKHTAR
aur hath uska bhi talwaar tak aa pohncha hai

No comments:

Related Posts Plugin for WordPress, Blogger...
Blogger Wordpress Gadgets