ana kay khail men usko bohat khasara hua

انا کے کھیل میں اس کو بہت خسارہ ہوا
کہ جیت کر بھی وہ لگتا ھے مجھ کو ہارا ہوا

ana kay khail men usko bohat khasara hua
keh jeet kar bhi woh lagta hai mujh ko haara hua

بس اک سانس تھی جو آتی جاتی رہتی تھی
وگرنہ تیرے بناں کب مرا گزارا ہوا

bas ik saans thi jo aati jaati rehti thi
wagarna teray bina kab mera guzara hua

کہاں خوشی تھی کہ چھپتی نہ تھی مگر اک دن
ترا وجود مرے غم کا استعارہ ہوا


kahaan khushi thi keh chhupti na thi magar ik din
tera wajood meray gham ka ista'ara hua

مثال ماہی بے آب ہم بھی تڑپا کئے
بچھڑ کے اس سے ہمارا بھی کب گزارا ہوا

misaal mahi bay aab hum bhi tarrpa kiay
bichhar kay us say hamara bhi kab guzara hua

یہ سوچتے ھیں کہ کیا کیا کہیں گے ہم اس سے
بس ایک لمحے کو وہ شخص گر ہمارا ہوا


yeh sochtay hain keh kaya kaya kahen gay hum us say
bas aik lamhay ko wo shakhs gar hamara hua

بچھڑنے والے نے جاتے ہوئے کہا تھا کچھ
یہ سوچ سوچ کے دل اور پارہ پارہ ہوا


bichharnay walay nay jaatay huay kaha tha kuch
yeh soch soch kay dil aur para para hua

کچھ ایسی تلخ طبیعت ہوئی ھے خالد
کہ زہرِ غم بھی اسے ان دنوں گوارا ہوا


kuch aisi talkh tabeeat hui hai khalid
keh zehar gham bhi usay in dinon gawara hua