daam e khushbu men giraftaar saba hai kab say
lafz izhaar ki uljhan men parra hai kab say
ay karri chup kay dar o baam sajanay walay
muntazir koi sar e koh e nida hai kab say
chaand bhi meri terha husn shanasa nikla
chaand bhi meri terha husn shanasa nikla
uski dewaar pay heraan kharra hai kab say
baat karta hoon to lafzon say mehak aati hai
koi anfaas kay parday men chhupa hai kab say
dekhiay khoon ki barsat kahan hoti hai
shehar par chhai hui surkh ghata hai kab say
khoj men kis ki bhara shehar laga hai amjad
dhoondti kis ko sar e dasht hawa hai kab say
Pakistan Rupee Exchange Rate
No comments:
Post a Comment