SaAz-o-awaaz khad-o-khaal men aa jatey hain

SaAz-o-awaaz khad-o-khaal men aa jatey hain,
Saans leta hoon to sur taal men aa jatey hain

Jang aur ishq men Haaray huay logon ki tarha,
Hum ghanimat k kisi maal men aa jatay hain

Zindagi khawab or khawab kee Qeemat lenay,
Jin ko aana ho kisi haal men aa jatey hain

Tu bhi saada hai kabhi chaal bdalta he nahi,
Hum bhi daanista teri chaal men aa jatey hain

Sham dhaltay he kisi gosha-e-veerani men,
Hum parindon ki tarha jaal men aa jatey hain