Thursday 27 October 2011

Suna hai woh shehar may aaya hai


Suna hai woh shehar may aaya hai
Suna hai woh saath wafa laaya hai
Suna hai woh phool sung apnay chund murjhaaye laaya hai
Suna hai woh askh bhari muskrahtain bhi laaya hai
Uss say kaho
Yahan koi kharidar nahi
Yahan koi beqarar nahi
Yahan koi sogwar nahi
Uss say kaho
Loat jaaye
Keh 
Yeh shehar-e-khamoshan hai
Yahan sub baasi khamosh hain
Yahan koi dard nahi koi chubhan nahi
Yahan bus meethi neend sotay hain
Teray chahnay waley
Ab nahi rotey hain
Ab nahi rotey hain

No comments:

Related Posts Plugin for WordPress, Blogger...
Blogger Wordpress Gadgets