Taza Mohabbaton Ka Nasha Jism-O-Jaan Mein Hai
Phir Mausam-E-Bahaar Meray Gulistaan Mein Hai
Ek Khvaab Hai Keh Baar-E-Digar Dekhtay Hain
Ek Aashnaa Sii Raushnii Saaray Makaan Mein Hai
Ek Shaakh-E-Yaasmiin Thii Kal Tak Khizaan-Asar
Aur Aaj Saaraa Baagh Usii Kii Amaan Mein Hai
Taabish Men Apnii Mehr-O-Maah-O-Najm Say Sivaa
Jugnuu Sii Yeh Zamiin Jo Kaf-E-Aasmaan Mein Hai
Khushbuu Ko Tark Kar Kay Na Laaye Chaman Men Rang
Itnii To Suujh-Buujh Mere Baaghbaan Men Hai
Har Jaanisaar Yaad-Dihaanii Men Munhamik
Nekii Kaa Har Hisaab Dil-E-Dostaan Mein Hai
Baithe Rahenge Shaam Talak Teray Shiishaagar
Ye Jaantay Hu’ay Keh Khassaaraa Dukaan Mein Hai
Masnad Kay Itnay Paas Na Jaaye Keh Phir Khhallay
Vo Bay-Talluqii Jo Mizaaj-E-Shahaan Mein Hai
No comments:
Post a Comment