Thursday, 27 October 2011

yeh jurm hai to phir is jurm ki saza rakhna


Nahi keh milnay milanay ka silsila rakhna 
Kisi bhi sat'ha pay koi to rabta rakhna 

marain gay log hamaray siwa bhi tum pay bohat
yeh jurm hai to phir is jurm ki saza rakhna

Madad ki tum se tawaqqo to khair kya hogi 
Gharib e shehar e sitam hoon mera pata rakhna 

bas aik shaam hamen chaahiay,na poochna kyun?
yeh baat kisi aur shaam pay utha rakhna

Naye safar pay rawana hua hoon az sar e nau 
Jab aaun ga to mera nam bhi naya rakhna 

Faseel e shoq uthana, Zafar zaroor magar
Kisi taraf say nikalnay ka raasta rakhna
Post a Comment
Related Posts Plugin for WordPress, Blogger...
Blogger Wordpress Gadgets