Monday 31 October 2011

Yeh shehar e hadsaat hay kabhi kabhi mila karo


Udasyon main zaat hay kabhi kabhi mila karo
BaRi kathin hayaat hai kabhi kabhi mila karo

Yahan to log dekhtay he dekhtay bicharR gaye
Yeh shehar e hadsaat hay kabhi kabhi mila karo

Who hadsa jo roonuma huwa tha apnay darmyan
Gaye dino ki baat hay kabhi kabhi mila karo

Kisi haseen khwaab main kabhi kisi khayal main
Judaiyon ki raat hay kabhi kabhi mila karo

Kaye dino say ajnabi na koi aashna mila
Udaas shehr e zaat hay kabhi kabhi mila karo

KhaRay khRay kahan suna sakooN ga daastan e dil
BarRi taweel baat hay kabhi kabhi mila karo

Qadam qadam pay ghat hay kabhi labhi mila karo
Hayaat pul siraat hay kabhi kabhi mila karo!!

No comments:

Related Posts Plugin for WordPress, Blogger...
Blogger Wordpress Gadgets