Friday 11 November 2011

AITBAAR E MAUSOM



surmaii shaamon men bikhri
malgajay dhundalkon men lipti
tumhari kaee yaaden
DECEMBER kay sath phir loat aaii hain
yeh sard mausom!!!
tumharay waadon aur iraadon ki terha
labon par ik jaamad chup liay
khushk patton ki terha
meri dehleez par bikhar gaya hai
bikhar gaya hai aur janay kyun?
is ki sarsarahat say
jab bhi aik maanoos si aahat ubharti hai
yeh mehsoos hota hai
tum saaray waaday efaa karnay
saaray bhoolay ehad nibhanay
phir loat aao gay

No comments:

Related Posts Plugin for WordPress, Blogger...
Blogger Wordpress Gadgets