Apni ruswai teray naam ka charcha dekhun
Ik zara sher kahun aur main kaya kaya dekhun
Neend aa jaye to kaya mahfilen barpa dekhun
Aankh khul jaye to tanhai ka sehra dekhun
Sham bhi ho gai dhundhala gai aankhen bhi meri
Bhulney waley main kab tak tera rasta dekhun
Sab ziden us ki main puri karun her baat sunuun
Ik bachay ki tarha se usay hansta dekhun
Mujh pey chhaa jaye wo barsat ki khushbu ki tarha
Ang ang apna ussi rutt men mehakta dekhun
Tu meri tarha sey yakta hai magar meray habib
Jee main aata hai koi aur bhi tujh sa dekhun
Main ney jis lamhey ko puja hai ussey bas ek bar
Khawab ban kar teri aankhon mein utarta dekhun
Tu mera kuch nahin lagta hai magar jan-e-hayat
Janey kyun terey liye dil ko dharakta dekhun
Pakistan Rupee Exchange Rate
No comments:
Post a Comment