woh tiir chhoRa huaa to usii kamaan ka thaa
agarchay haath, kisii aur meharbaan ka thaa
guzar rahaa thaa woh lamha jo darmeyaan ka thaa
magar yeh waqt baRRay saKht imtehaan ka thaa
pataa nahiiN, keh judaa ho kay, kaisay ziNda rahay
hamaara uska ta'alluq to jism-o-jaan ka thaa
hawaa to chaltii hii rahtii hai is samaNdar meN
qasoor ko_ii agar thaa to, baadbaan ka thaa
vahii kahaanii kabhii jhooTh thii, kabhii sach thii
zaraa sa farq agar thaa to bas, bayaan ka thaa
qadam-qadam pay naye maNzaroN kii hairat thii
terii galii ka safar thaa, keh ik jahaan ka thaa
ham apnay naam kay hissay ko DhooNDtay bhii kahaaN
zamiiN kay paas jo kuchh thaa, aasmaan ka thaa
kahiiN zameen pay saanii nahiiN milaa uskaa
woh shaKhs jaisay kisii aur aasmaan ka thaa
😊 I love poetry and specially Urdu poetry. I am here to share my favourite poetry with you. I hope you like it and please don't forget to show your love by liking, commenting and following the blog. 😊
Thursday 10 November 2011
hamaara uska ta'alluq to jism-o-jaan ka thaa
Labels:
Ghazals
Subscribe to:
Post Comments (Atom)
!-end>!-currency>
No comments:
Post a Comment