Hum Ahl-e-mohabbat....

Chehray pey sawaal..

Aankhon mein intizaar...

Saanson mein khalish....

Dil mein ek halchal....

Rooh muntazir-e-parwaaz...!!

Hum Ahl-e-mohabbat....


Kahin madawa hi nahi

Gham-e-ulfat ka

Koi thikana hi nahi

Dam-e-wehshat ka

Jonoon mein hum had se siwa

Hum Ahl-e-mohabbat...


Jo chaahey hum pey sitam karey

Jo chaahey hum pey raqm karey

Na hum yahan na hum wahan

Na dil apna na wojood apna

Na aankhon k khawab apney

Na dard apna na chain apna

Hum Ahl-e-mohabbat...


Is taar taar jism-o-jan ko

Dafn karen to bhi kahan

Jala bhi dein to kis tarah

Hamarey dil k aainey

attay huey hain gard sey

Na hum ko yaad mehfilein

Na khwahishein na manzilien

Hum Ahl-e-mohabbat...


Sada k deewaney

Sada k anjaaney

Khud sey hi beganey

Na koi hum ko samjha hai

Na koi hum ko samjhey ga


Hum Ahle-e-mohabbat...!!