Husn Ko Teray,Tera Ghuroor Likhun Ga

Ek Ghazal Teray Liye Zaroor Likhun Ga
Be Hisaab Us Men Tera Qasoor Likhun Ga

Tu Guftaar Ka Mahir Tu Kirdaar Ka Mahir
Par Husn Ko Teray,Tera Ghuroor Likhun Ga

Toot Gaye Bachpan Kay Teray Saarey Khilonay
Ab Dilon Sey Khelna Tera Dastoor Likhun Ga

Raha Ishq Ka Daavaa Tujhey Tamam Umer
Wafa Ki Dehleez Sey Tujhey Mafroor Likhun Ga

Khud Sakhta Jo Hai Tera Judai Ka Faisla
Aisay Har Iqdaam Ko Na Manzoor Likhun Ga

Hamien Kehnay Ki Aadat Nahin Likhnay Ka Shauq Hai
Jazbon Ko Apnay Qalam Ki Taseer Likhun Ga

Tera Wajood Mera Wajood Mujhey Aik Sa Lagay
Par Tujhay Mien Khud Sey Bohat Door Likhun Ga