Ik din hum phir mil jayen gay...

Main Ney Poocha Kaisay Ho?
Badlay Ho Ya Waisay Ho?

Roop Wohi Andaz Wohi
Ya Phir Is Main Koi Kami?

Hijar Ka Kuch Ihsaas To Ho ga
Koi tumharay pass to ho ga?

Main bichra yeh majboori thi
Kab manzoor mujhey doori thi

Sath Hamara Kab chhoota
Rooh ka rishta kab toota

Ankh sey jo Aansoo behtey hain
Tum ko khabar hai kia kehtey hain?

Main ney kaha awaz tumhari
Aaj bhi hai humraaz hamari

Phool Wafa key khil jayen gay
Ik din hum phir mil jayen gay...