Saturday 12 November 2011

itney barson baad.




Aadhi raat k sannatey main
kis ney phone kia hai mujh ko?
janey kis ka phone aaya hai
phone utha ker yun lagta hai
us janib koi gum sum,
gum sum ukhra ukhra
dheeray dheeray kaanp raha hai
mehki hoi ik khamooshi hai
ghup khamoshi
laikin is khamoshi main bhi
goonj rahay hain
thandi saansain,barish,aansu
khamoshi sey thak ker
us ney saans lia to
choorri khanki....
uf yeh khann khann.....
ik lamhay main saaray badan main phail gaee hai
teray ilawa koi nahi hai
lakin itney barson baad.

No comments:

Related Posts Plugin for WordPress, Blogger...
Blogger Wordpress Gadgets