Ji Chahay To Sheesha Ban Ja, Ji Chahay Paimana Ban Ja

Ji Chahay To Sheesha Ban Ja, Ji Chahay Paimana Ban Ja
Sheesha Paimana Kya Ban'Na , Maey Ban Ja, Maeykhana Ban Ja

Maey Ban Kar, Maeykhana Ban Kar, Masti Ka Afsana Ban Ja
Masti Ka Afsana Ban Kar, Hasti Say Begana Ban Ja 

Hasti Say Begana Hona, Masti Ka Afsana Ban'Na
Is Honay Say, Is Ban'Nay Say, Achha Hai Deewana Ban Ja


Deewana Ban Janay Say Bhi, Deewana Hona Achha Hai
Deewana Honay Say Achha, Khak-e-dar-e-jaanaanaan Ban Ja

Khak-e-dar-e-jaanaanaan Kaya Hai, Ahl-e-dil Ki Aankh Ka Surma
Shamma Kay Dil Ki Thandak Ban Ja, Noor-e Dil-e-parwana Ban Ja

Seekh Zaheen Kay Dil Say JalNa, Kaahay Ko Her Shamma Pe JalNa?
Apni Aag Men Khud Jal Jaye, Tu Aisa Parwana Ban Ja