Aziyat apni qismat thee aziyat say nhi niklay 
juda ho kr bhi hum dono mohabbat say nhi niklay,

Ana k daaeyron men thay so ek doojay ko dhutkara 
mgar phir umr bhar dono malamat say nhi niklay

Qadam chokhat pay rakhtay he yeh baazoo phael jatay hain 
Mohabbat say Nikal Aaey hain aadat say nhi niklay,

Bohat mumkin tha ruk jatay pukara hi nhi tum nay 
teray koochay say hum itni bhi ujlat men nhi niklay

meray jazbat ab meray bas men nhi rehtay 
keh aansoo ab teri khatir ejazat say nhi niklay,