kabhi ho saka na poora younhi reh gaya adhoora

Ik weham sa thaa dil main shayed kabhi milo tum

kuch dair ruk key poochoon beetay dinon ka mousam

Awaaz main ho larzish, aankhon main ik tajassus

Maazi ka koi lamhaa shayed atak gyaa ho

Sab bhool kar bhi shayad kuch yaad aa gaya ho


Phir mai tumhain bataaun apni khushi ki baatain

Har dukh chupa k dil mai aasudgi ki baatain

WO chand choudhween ka taaron bhari si raatain

Dilkash haseen shaamain masoom wardatain

WO pyar ka tasawur wo bandagi ki baatain

WO roz roz marna aur zindagi ki baatain


Tum dukh say muskurao, dheeray say pass aao

SAR ko jhuka k apnay chup chap lot jao

Phir main bhi muskura'oon, man kaa diyaa jalaaun

Dohraaoon apnay dil mai jo thi nahin haqeeqat

Aik khawab zindagi ka haan umar bhar jo daikha

kabhi ho saka na poora younhi reh gaya adhoora