Magar jo tuj sey kehna tha wohi ek raaz baki hay

Khayalon main faqat ek sholah_e _awaaz baki hay 
Na koi geet baki hay na koi saaz baki hay 

Sab apnay bhaid ham nay faash kar daalay zamanay par 
Magar jo tuj sey kehna tha wohi ek raaz baki hay 

KHUDAWAND,hamen phir sey naii ek zindagi dey dey 
Bareeda par hain lekin hasrat_e_parwaaz baki hay 

Nazar main raat k pichhlay pehar jesi khamoshi hay 
Magar dil k dharaknay ka wohi andaaz baki hay 

"Qateel"is ehad bay maani main lafzon ka hay yeh aalam 
Keh maa'ni ho gaye rukhsat faqat awaaz baki hay