Monday 14 November 2011

MAIN NAY ESAY BHI KHWAB DEKHAY HEIN........




Tu meri justju k jangal mein...
Mehv-e-takreeb-e-abla paayi...
Oarrh kar khal-o-khad pey tanhai...
Apni ankhon mein dopehr ko gholay...
Ungliyon par lpait kar lamhay...
Dhalti chhaaon mein kaakulein kholay...
Surkh aanchal mein bandh kar khushbu...
Band haathon mein sham ki mehndi...
Garm saanson mein hanptay ghungru...
Narm honton pey rut ki raanayi...
Hamrah-o-moaja-e-shanasaayi...
Ghar say be-aasra nikal aayi...
Tu nay shakhon say cheen kar jugnu...
Pattay pattay pey khwahishen rakheen...
Chheel kar chhaal sabz pairron ki...
Apnay ashkon ki roshnayi say...
Chob-e-shaffaf par b'sad-e-hasrat...
Mudaton mera naam likha hay...
Hijar k be-kanaar sehra mein...
Teray honton ki pyas nay aksar...
Meri khatir sarab dekhay hein...
MAIN NAY ESAY BHI KHWAB DEKHAY HEIN........


No comments:

Related Posts Plugin for WordPress, Blogger...
Blogger Wordpress Gadgets