Na baab-e-harf-o-sada mai, na maah-o-saal mai tha
Jawaab jiss ka nahi tha, woh uss sawaal mai tha
Mai zindagi ki tarha uss ki baat baat mai thi
Woh roshni ki tarha, meray khad-o-khaal mai tha
Yeh harf harf mai khusbu, yeh roshni ka hunar
Mera to kuch bhi nahi, sab teray jamaal mai tha
Jo muskura kay judai ki baat karta tha
Mujhe mila to girift-e-shabb-e-malaal mai tha
Yeh log yun to nahi thay jo ab zawaal mai hain
Yeh shehar aisa nahi tha keh jab kamaal mai tha
Keh manzaron mai jo manzar thay woh khulay mujh par
Yehi hunar to meri wus’at-e-khayaal mai tha
Andhairi raat mai jaisay chiraagh jal utthain
Yeh kiya tilism teray ism-e-baymisaal mai tha
Pakistan Rupee Exchange Rate
No comments:
Post a Comment