Tumhen kis ney kaha pagli

Tumhen kis ney kaha pagli
mujhey tum yad aati ho
bohat khush feham ho tum bhi
tumhari khush-gumani hey
meri aankhon ki surkhi main
tumhari yaad ka matlab???

merey shab bhar k jagney men
tumharey khwab ka mtlab???

yeh aankhen to hmesha sey hi
meri surkh rehti hain
tumhen maluum hi hoga
is shehar ki fiza kitni alooda hey

to yeh sozish,usi fiza key baais hey
tumhen kis ney kaha pgli
keh mein shab bhar nahi sota
mujhey is nokri keu sab jhamelon sey
kabhi fursat miley to tab hey na!!!

meri baaton men larzish hai???
mein aksr kho sa jata hoon???
tumhen kis ney kaha pagli
mohabbat key ilawa or bi to dard hotey hain
fikar-e-muaash, sukh ki talaash

aisey or bi gham hain
or tum
un sab ghamon k baad aati ho
tumhen kis ney kaha pagli
mujhey tum yad aati ho
yeh dunya walay pagal hain
zara si bat ko yeh to afsana samajhtey hain

mujhay ab bhi yeh pagal tera dewana samjhaty hain
tumhen kis nay kaha pagli???
magar shayad!!!
magar shayad main jhoota hoon