Teri chahtain wo kahan gayin??

Koi lafz main ney kaha na tha
Koi harf main ney likha na tha
Koi khwaab main ney chuna na tha
Isi intazaar ki rait pey
Meri aarzu k gulab thay
Meri justajoo k saraab thay
Meri chahton k jawab thay
Sabhi hasratain wo kahan gayin??
Teri chahtain wo kahan gayin??
Meray ham nasheen
Meray ham nawa
Mian palat k shayad na aa sakun
Isi intazaar ki rait pey
Main bikhar gaya hun hawaaon men
Mujhey yaad rakhna duaaon men
Mujhey yaad rakhna duaaon men.......