Sunday 29 January 2012

Tumhari aankh ka ehwaal,khawab poochtey hain



chaman men jab bhi saba ko gulaab poochtey hain
Tumhari aankh ka ehwaal,khawab poochtey hain

Kahan kahan huay roshan humarey baad chiraagh
Sitaray deeda e tar sey hisaab poochtey hain

Woh tishna lab bhi ajab hain jo moj e sehra sey
suraagh e habs mizaaj e saraab poochtey hain

Kahan basi hain woh yaadain,ujaarna hay jinhain?
Dilon ki baanjh zameen sey azaab poochtey hain

Baras parreen teri aankhain to yeh bhaid khula
Sawaal khud sey bhi apna jawaab poochtey hain


Hawa ki hamsafri se ab aur kaya hasil
Bus apney shehar ko khana kharab poochtey hain

Jo be nay'aaz hain khud apney husn sey Mohsin
Kahan woh mujh sey mera intikhab poochtey hain


Mohsin Naqvi


No comments:

Related Posts Plugin for WordPress, Blogger...
Blogger Wordpress Gadgets