yeh kaya sitam hai keh ehsaas-e-dard bhii kam hai
shab-e-firaaq sitaaroN meN roshnii kam hai
ye kaisii mauj-e-karam thii nigaah-e-saaqii meN
keh us k baad sey tuufaan-e-tishnagii kam hai
qariib-o-duur sey aatii hai aap kii aavaaz
kabhii bohat hai Gham-e-justujuu, kabhii kam hai
shauur-e-ishq ab aayaa hai apnii manzil par
huzuur-e-husn tamannaa-e-beKhudii kam hai
tamaam umr teraa intizaar kar leN gey
magar yeh ranj rahey gaa keh zindagii kam hai
uruuj-e-maah ko insaaN samajh gayaa lekin
hunuuz azmat-e-insaaN sey aagahii kam hai
na they bahaar-e-chaman ham magar yeh suntey haiN
hamaarey baad guloN meN shaguftagii kam hai
na saath deNgii yeh dam toRtii hu’ii sham’meN
naye chiraaGh jalaao keh roshnii kam hai
Pakistan Rupee Exchange Rate
No comments:
Post a Comment