Ab dil men mehkey huwey jazbey naheen miltey

Ab dil men mehkey huwey jazbey naheen miltey Ujrrey huwey gulshan men parindey naheen miltey Kyun chupkey sey woh log utar jaatey hain dil men Jin logon sey qismat k sitaarey naheen miltey Aghraaz k bandon sey na ikhlaas talab kar Sehraa men ghanney paerron k saaey naheen miltey

Woh jhoot ka khuugar hay toh,sadaaqat mera maslak

Dono k mizaaj aur iraadey naheen miltey

Barham hay keh us ko meri khudaar jabeen men

Apney liye taa'zeem k sajdey naheen miltey

Jo zakhm diye us ney ghanimat hain keh

Har shakhs ko yeh qeemtii tohfey naheen miltey