Galiyon men kaisa shor tha,kyun bheer si maqtal men thi

Galiyon men kaisa shor tha,kyun bheer si maqtal men thi
Kaya wasf us shair men tha,kaya baat us pagal men thi

Aisa sitam kaya ho gaya,ek raah'roo tha,kho gaya
Phir zindagi ki sham thi aur sham bhi jungle men thi

Kaya kaya hua,chalti rahi yeh lau magar jalti rahi
Kayaa zor us aandhi men tha,kaya taab us mash'al men thi

Shola ba dil,aatish bajaan phirta raha woh be-amaan
Warna saba zulfon men thi,warna ghata kajal men thi

Tarsi hui aankhon men,kin kin sahilon kay khawab thay
Par kashti-e-umr-e-rawaan haalaat ki daldal men thi

Khil’att ney awaazen kassin,taaney diye,fatwey jarrey
Woh sakht jaan hansta raha,go khud kushi pal pal men thi

Apni kasheed-e-jaan sey hi peeta raha,jeeta raha
Nasha kahan saghar men tha,masti kahan bottle men thi