Tuesday 21 February 2012

Kahan Tha Itna Azaab Aashna Mera Chehra




Kahan Tha Itna Azaab Aashna Mera Chehra 
Jaley Chiragh To Bujhney Laga, Mera Chehra 

Woh Terey Hijar K Din Woh Safeer Sadiyon K 
Tu Un Dinon Men Kabhi Dekhta Mera Chehra 

Judaiyon K Safar Men Rahey Hain Saath Sada 
Teri Talash, ZaManey, Hawa, Mera Chehra 

Merey Siwa Koi Itna Udaas Bhi To Na Tha 
Khizaan K Chand Ko Achaa Laga Mera Chehra 

Kitaab Khol Raha Tha Woh Apney Maazi Ki 
Warq Warq Pey Bikharta Gaya Mera Chehra 

Sehar K Noor Sey Dhulti Hui Teri Aankhein
Safar Ki Gard Men Lipta Hua Mera Chehra 

Hawa Ka Aakhri Bosa Tha Ya QayaMat Thi? 
Badan Ki Shaakh Sey Phir Gir Parra Mera Chehra 

Jisey Bujha K Hawa Sogwaar Phirti Hai 
Woh ShaMMa-E-ShaaM-E-Safar Thi Keh Mera Chehra 

Yeh Log Kyun Mujhey Pehchaantey Nahi Mohsin 
Main Sochta Hoon Kahaan Reh Gaya Mera Chehra...


No comments:

Related Posts Plugin for WordPress, Blogger...
Blogger Wordpress Gadgets