pehaley jo dard thaa vahii chaaraa hai in dinon

dil ko Gham-e-hayaat gavaaraa hai in dinon 
pehaley jo dard thaa vahii chaaraa hai in dinon 

[gavaaraa = agreeable; chaaraa = cure]

ye dil zarr'aa saa dil terii yaadon men kho gayaa 
zarrey ko aaNdhiyon kaa sahaaraa hai in dinon 

har sail-e-ashk saahil-e-taskiin hai aaj kal
daryaa kii mauj-mauj kinaaraa hai in dinon

[sail-e-ashk = flood of tears]
[saahil-e-taskii.n = peaceful shore]

shammon men ab nahiin hai vo pehaley sii roshanii
shaayad vo chaaNd anjuman_aaraa hai in dinon

[anjuman_aaraa = adorning/enhancing the beauty of a gathering]

tum aa sako to shab ko barrhaa duuN kuchh aur bhii 
apney kahey men subah kaa taaraa hai in dinon 

qurbaaN hon jis kay husn pey sau jannattain 'Qateel'
nazaron kay saamney vo nazaaraa hai in dinon