Tuesday 28 February 2012

RAAT AUR INTAZAAR





Raat bhar girti rahi
ashk ki soorat shabnam
raat bhar chalti rahi
bheegi hui sard hawa
narm podon men guzarti hui
madham madham,
raat bharr chaand sulagta raha
holay holay
chandni roti rahi
meray dareechay say paray
raat bhar raqs men masroof thay
khushboo kay qadam
raat bhar main,
meri maghmoom nigahen,
meri yaas,
teray aanay ki sarr-e-shaam lagi thi
jo mujhay
wohi damm torti aas,
dill men mehka huwa gham
aur yeh palken pur namm,
meri maghmoom nigahen be'khawab
raat bharr jaltay rahay

apnay hi shoalon men gulaab!!!

1 comment:

Zulekha said...

zabardast..

Related Posts Plugin for WordPress, Blogger...
Blogger Wordpress Gadgets