Tujh sey to koi gila nahiN hai
Qismat meN meri sila nahiN hai
BichhRey to na janey haal kaya ho
Jo shakhs abhi mila nahiN hai
Jeeney ki to aarzu hi kab thi
Marney ka bhi housla nahiN hai
Jo zeest ko mo’tabar bana dey
Aisaa koi silsila nahiN hai
Khushbu ka hisaab ho chuka hai
Aur phool abhi khila nahiN hai
Sarshari-E-rah'bari meN dekha
Peechhay mera qaafila nahiN hai
Ek Thaiss pey dil ka phoot behna
Chhunay meN to aabla nahiN hai
Pakistan Rupee Exchange Rate
No comments:
Post a Comment