Monday 27 February 2012

vo merey dil pey nayaa zaKhm lagaaney aaye


qariyaa-e-jaaN men koii phuul khilaaney aaye 
vo merey dil pey nayaa zaKhm lagaaney aaye 

merey viiraan dariichon men bhii Khushbuu jaagey 
vo merey ghar k dar-o-baam sajaaney aaye 

us sey ik baar to ruuthuuN main usii kii maanind 
aur merii tarah sey vo mujh ko manaaney aaye 

isii kuuchey men kaii us k shanaasaa bhii to hain 
vo kisii aur sey milney k bahaaney aaye 

ab na puuchhuu.Ngii mai.n khoye hue Khvaabo.n kaa pataa 
vo agar aaye to kuchh bhii na bataane aaye 

zabt kii shahar-panaaho.n kii mere maalik Khair 
Gam kaa sailaab agar mujh ko bahaane aaye

No comments:

Related Posts Plugin for WordPress, Blogger...
Blogger Wordpress Gadgets