Wednesday 29 February 2012

Wo shakl pighli to har shay men dhal gayi jaisey



Misaal uski kahan hai koi zamaaney men
Keh saarey khoney k gham paaye hamen paaney men

Wo shakl pighli to har shay men dhal gayi jaisey
Ajeeb baat hui hai usey bhulaney men

Jo muntazir na mila wo to hum hain sharminda
Keh ham ney dair laga di palat k aaney men

Samajh liya tha kabhi ik saraab ko dariya
Par ik sukoon tha hum ko faraib khaaney men

Jhuka darakht hawa sey to aandhiyon ney kaha
zayada fark nahin jhukney men toot jaaney men


No comments:

Related Posts Plugin for WordPress, Blogger...
Blogger Wordpress Gadgets