Aaj yuun mausam ney dee jashn-e-muhabbat ki khabar
Phoot ker roney lagey hain main muhabbat aur tum
Hum ney joon hi ker liya mehsoos manzil hai qareeb
Raastey khoney lagey hain main muhabbat aur tum
Chaand ki kirnon ney humko is tarah bosa diya
Devta honey lagey hain main muhabbat aur tum
Aaj phir mehroomiyon ki daastanen orrh ker
Khaak men soney lagey hain main muhabbat aur tum
Kho gaye andaaz bhi awaz bhi alfaaz bhi
Khamshi dhoney lagey hain main muhabbat aur tum
Pakistan Rupee Exchange Rate
No comments:
Post a Comment