chaman men rang-e-bahaar utaraa to main ney dekhaa

chaman men rang-e-bahaar utaraa to main ney dekhaa
nazar sey dil kaa Ghubaar utaraa to main ney dekhaa

main niim shab aazamaa k hasarat ko dekhataa thaa
chaman men voh husn zaar utaraa to main ney dekhaa

Khumaar men thii voh cheharaa kuchh aur lag rahaa thaa
Dam-e-sehar jab Khumaar utaraa to main ney dekhaa

galii k baahir tamaam manzar badal gaye they
jo saayaa ek kuu-e-yaar utaraa to main ney dekhaa

ik aur daryaa kaa saamanaa thaa 'Munir' mujh ko
main ek daryaa k paar utaraa to main ney dekhaa