Ab yeh sochoon tau bhanwar zehan men parr jaatay hain
Kaisey chehray hain jo miltay hi bicharr jaatay hain
Kyun terey dard ko dain tohmat-e-weeraani-e-dil
Zal'zallon men tau bharrray shehar bhi ujjar jaatay hain
Muasam-e-zard men ek dil ko bachaoon kaisey
Aisi rutt men tau ghannay pairr bhi jharr jaatay hain
Ab kaya koi merey kadmon k nishaan dhoondhey ga
Taiz aandhi men tau khaimay bhi ukharr jaatay hain
Shiddat-e-ghum men bhi zinda hoon tau hairat kaisi
Kuch diye tau tund hawaoon sey bhi larr jaatay hain
Woh bhi kaya log hain Mohsin jo wafa ki khaatir
Khud tarasheeda asooloon pey bhi arr jaatay hain...!!!
Pakistan Rupee Exchange Rate
No comments:
Post a Comment