اے شعلہ رخاں جانِ قضا ہم ہوئے کہ تُم ؟
خوابوں پہ رتجگوں کی قبا ہم ہوئے کہ تُم ؟
تنہا اداس شام کے پہلو میں بیٹھ کر
پھر رونقِ صلیبِ وفا ہم ہوئے کہ تُم ؟
ٹھہرو تو اپنے ہم سفر ذروں سے پوچھنا
چاہت کے راستوں میں جُدا ہم ہوئے کہ تُم ؟
کس نے بچھائے بزمِ محبت کے یہ دیئے؟
ذکر مثل پہ ہوا ہم ہوئے کہ تُم ؟
دنیا کی سازشوں میں جدائی کے روبرو
وقفِ نگاہِ کرب و بلا ہم ہوئے کہ تُم ؟
Pakistan Rupee Exchange Rate
No comments:
Post a Comment