Faasley aisey bhii hon gey, yeh kabhi socha na tha

faasley aisey bhii hon gey, yeh kabhi socha na tha

saamney baiTha tha merey aur vo mera na tha

vo keh Khushbu ki tarah phaila tha merey chaar suu

main usey mehsuus kar sakta tha chhuu sakta na tha

raat bhar pichhli hii aahaT kaan men aatii rahii

jhaaNk kar dekha galii men koii aayaa na tha

aks to maujuud they par aks tanahaaii k they

aaiinaa to thaa magar us men teraa chehra na tha

aaj us ney dard bhii apney alehdah kar liye

aaj mai.roya to merey saath vo roya na tha

ye sabhii viiraaniyaaN us k chalay jaaney sey thiin

aaNkh dhuNdhlaaii huii thii shehar dhuNdhlaaya na tha

yaad kar k aur bhii takaliif hotii thii ‘Adeem’

bhuul jaaney k sivaa ab koii chaarah na tha

Suu: Direction, Towards

Alahedah: Inconsistent

Alahedah karna: Set aside, Winnow

Takaliif: Ceremony; the imposition of a burden (upon); burden, difficulty, trouble

Chaaraah: Aid, Cure, Help, Means, Redress, Resource, Remedy

فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے او ر وہ میرا نہ تھا

وہ کہ خوشبو کی طرح پھیلا تھا میرے چار سو
میں اسے محسوس کر سکتا تھا چھو سکتا نہ تھا

رات بھر پچھلی ہی آہٹ کان میں آتی رہی
جھانک کر دیکھا گلی میں کوئی بھی آیا نہ تھا

عکس تو موجود تھا پر عکس تنہائی کا تھا
آئینہ تو تھا مگر اس میں تیرا چہرا نہ تھا

میں تیری صورت لئے سارے زمانے میں پھرا
ساری دنیا میں مگر کوئی تیرے جیسا نہ تھا

خود چڑھارکھےتھے تن پر اجنبیت کےغلاف
ورنہ کب ایک دوسرے کو ہم نے پہچانا نہ تھا

یہ سبھی ویرانیاں اس کے جدا ہونے سے تھیں
آنکھ دھندلائی ہوئی تھی شہر دھندلایا نہ تھا

سینکڑوں طوفان لفظوں میں دبے تھے زیر لب
ایک پتھر تھا خاموشی کا ، جو ہٹتا نہ تھا

محفلِ اہلِ و فا میں ہر طرح کے لوگ تھے
یا تیرے جیسا نہیں تھا یا میرے جیسا نہ تھا

آج اس نے در د بھی اپنے علیحدہ کر لیے
آج میں رویا تو میرے ساتھ وہ رویا نہ تھا

یاد کر کے او ر بھی تکلیف ہوتی تھی عدیم
بھول جانے کے سوا اب کوئی چارہ نہ تھا

مصلحت نے اجنبی ہم کو بنایا تھا عدیم
ورنہ کب اک دوسرے کو ہم نے پہچانا نہ تھا