Khumaar-e-ishq meN khud ko bhula k jeetey haiN
Har ik saaNs meN tujh ko basaa k jeetey haiN
Hai lamha lamha qazaa zindagi yeh terey bina
Sitam yeh hai keh sadaa muskura k jeetey haiN
Hawaa hai mehki ya khushboo kisi khayaal ki hai
Ya zehan-o-dil men hum usko basaa k jeetey haiN
Gunaah kaya kiya dil meN basaa liya jo tumhen
Yeh dard dil ka galay sey laga k jeetey haiN
Sataaya yaadoN ney aisa keh ashk dhal hi parray
Yeh aansoo shaam-o-sehar hum bahaa k jeetey haiN
MileN gay roz-e-qayaamat men sab sey ho k juda
Sunehra khwaab yeh khud ko dikha k jeetey haiN
Pakistan Rupee Exchange Rate
No comments:
Post a Comment