kon shakhs aaya hey khaawaab haath meN thaamey

Ab k waQt ki mohlat
khatm honey waali hey
khawaab k sabhi Taair
aankh k dareechey sey
gir k marney waaley hain
sabz aas bailoN k……
patay jhaRney waaley hain
zindagi k maathey par
zard paRRtey honton sey
saans aakhri bossa
dey k jaaney waali hey
kuch hi pal tau baaQi hain
ab k waQt kii mohlat…….
khatm honey waali hey
kon shakhs aaya hey
khaawaab haath meN thaamey
ye yaQeeN dilaaney ko
keh agar meiN ruk jaaun
gar zara si mohlat ho
Zakhm silney waaley hain
Phool khilney waaley hain
ussko kaesey samjhaaun
uss ney deir kar di hey
kuch hi pal tau baaQi hain
kuch hi pal tau baaqi they…
ab k waqt ki mohlat……