Wednesday 28 November 2012

us mausom e wehshat ki aksar humein yaad aaii



us mausom e wehshat ki aksar humein yaad aaii 
jab ishq tamasha tha aur husn tamashaee 

is koo e malamat men pat'thar to bohat aaye 
ek wo na nazer aaya jis say thi shanasaee 

jo rounaq e mehfil thay baithay hein pas e mehfil 
aatay hein soo e mehfil kis shan say herjaee 

tadbeer k rangon say taqdeer bana lein gey 
aay kash muyasser ho eik raat ki tanhaee 

dunya men rahay Mazher aur us ko nahin dekha 
kaya faayeda aankhon ka, kis kam ki beenaee

No comments:

Related Posts Plugin for WordPress, Blogger...
Blogger Wordpress Gadgets