Kahan aansuon ki yeh saughaat ho gi
Naye log hon gey ,nayi baat hogi
Main har haal men muskurata rahun ga
Tumhari mohabbat agar saath hogi
Chiraghon ko aankhon men mehfooz rakhna
Bari door tak raat hi raat ho gi
Pareshan ho tum bhi pareshan main bhi
Chalo maikadey men wahin baat ho gi
Chiraghon ki lau sey ,sitaron ki zau tak
Tumhen main milun ga jahan raat ho gi
Jahan wadiyon men naye phool aaye
Hamari tumhari mulaqat ho gi
Sadaon ko alfaz milney na paayen
Na badal ghiren gey na barsaat ho gi
Musafir hain hum bhi ,musafir ho tum bhi
Kisi mor par phir mulaqat ho gi
Pakistan Rupee Exchange Rate
No comments:
Post a Comment