Sunday, 16 December 2012

Main uss ko yaad karoon bhi to yaad aata nahi


Main mar mita to woh samjha yeh inteha thi meri
Usay khabar he na thi, khaak keemiya thi meri

Main chup huwa to woh samjha keh baat khatm huee
Phir uss k baad to awaaz ja'baja thi meri

Jo taana zann tha meri pooshash e dareedah par
Usi k dosh pey raki huee quba thi meri

Main uss ko yaad karoon bhi to yaad aata nahi
Main uss ko bhool gaya hoon yahi saza thi meri

Shikast dey gaya apna ghuroor he ussko
Wagerna uss k muqabil bisaat kaya thi meri

Kaheen dimagh kaheen dil kaheen badan he badan
Har eik sey dosti yaari juda juda thi meri

Main uss ko dekta rahta tha hairaton sey Faraz
Yeh zindagi sey ta’aruff ki ibtedaa thi meri.....!!!


Post a Comment
Related Posts Plugin for WordPress, Blogger...
Blogger Wordpress Gadgets