Tuesday, 18 December 2012

Raqs


Meray Khawabon k Gulshan Men Khizayein Raqs Karti Hain
Meray Honton Ki Larzish Men Wafayein Raqs Karti Hain

Mujhey Vo Laakh Tarrpaye Magar Uss Shaks Ki Khatir
Meray Dil k Andheron Men Duayein Raqs karti Hain

Usay Kehna keh Laut Aaye Sulagti Shaam Sey Pehlay
Kisi KI Khushk Aankhon Men Sadayein Raqs Karti Hain

Khuda Janey Kaisi Kashish Hay Uski Yaadon Men
Main Uska Zikr Chairoon To Hawayein Raqs Karti Hain...!!
Post a Comment
Related Posts Plugin for WordPress, Blogger...
Blogger Wordpress Gadgets